नोबेलमा डाक्टर र आन्द्राका दीर्घ रोगीबीच अन्तरक्रिया

नोवेल मेडिकल कलेज टिचिङ्ग हस्पिटलको ग्यास्ट्रोइन्टेरोलोजी विभागले मिति २०७८।१२।२२ गते यस शिक्षण अस्पतालमा नियमित रुपमा उपचार गर्दै आउनु भएका आन्द्राका दीर्घ रोगीहरु संग  अन्तरक्रिया कार्यक्रम (Inflammatory Bowel Disease – IBD Patients Meet) को आयोजना गरिएको छ । ठूलो आन्द्रा र सानो आन्द्रामा अल्सर, घाऊ भई दीर्घकालिन रुपमा दिसामा आउँ पर्ने, रगत जाने, पेट दुख्ने, पखला लाग्ने, तौल घट्ने जस्ता आन्द्राको दीर्घ रोगको उपचारकोलागि विरामीहरु धेरै अस्पतालहरुमा धाउनु पर्ने र रोगको समयमा पहिचान हुन नसक्दा उपचारको कमीले रोग बढ्दै जाने र त्यसले भविष्यमा ठूलो समस्या ल्याउने लगायतका विषयहरुमा बरिष्ठ ग्यास्ट्रोइन्टेरोलोजिष्ट डा। मोहन खड्काले जानकारी दिनु भयो तथा नियमित रुपमा उपचार गर्दै आउनु भएका विरामीहरुद्वारा आफ्नो अनुभव साटासाट समेत गरिएको छ ।

अन्तरक्रियामा मोरङ, सुनसरी, झापा लगायत पूर्वी नेपालका बिभिन्न जिल्लाका करिब ३० जना आन्द्राका दीर्घ रोगीहरु सहभागि थिए । आन्द्राको दीर्घ रोग लाग्ने कारण, अपनाउँनुपर्ने सावधानी, उपयुक्त खानपिन लगायत बिषयमा छलफल गरियो । सो अवसरमा विरामीहरुले भोगेका अनुभव सुनाएका थिए । डाक्टरहरुले रोगका बिषयमा विरामीहरुलाई थप जानकारी गराए । कार्यक्रममा पेट तथा कलेजो रोग बिशेषज्ञ डाक्टर खड्काले नियमित औषधि सेवन गर्न र अग्र्यानिक खानेकुरा खान विरामीहरुलाई सुझाव दिए ।

कार्यक्रममा नोबेल अस्पतालका प्रवन्ध निर्देशक इन्दिरा शर्माले सबै रोगका विरामीहरुको उपचार गर्ने गरी नोबेल अस्पताल अघि बढिरहेको भन्दै अस्पतालले गुणस्तरीय उपचारलाई प्राथमिकतामा राखेर सेवा विस्तार गर्दै जाने बताइन् । नोबेलका डा.विश्वनाथ अधिकारी, डा.मुक्ति आचार्य, मेट्रोन कल्पना पोख्रेल लगायतले पनि विरामीहरुलाई सम्बन्धित डाक्टरको सल्लाह बमोजिम औषधि सेवन गरेर उपयुक्त खानपिनमा बिशेष ध्यान दिन सुझाव दिएका छन् ।

यस शिक्षण अस्पतालमा विशेषज्ञ तथा विशिष्ट सेवाहरु सञ्चालन हुँदै आईरहेको छ भने व्यवस्थापनले आवश्यक पूर्वाधारको विकास गर्दै थप सेवाहरुको विस्तार समेत गर्दै आईरहेको छ ।  साथै जनमानसमा विभिन्न रोगको कारण र निदान सम्वन्धी जानकारी दिने अभिप्रायले यस्ता कार्यक्रमहरु नियमित रुपमा गरिदै जाने पनि सम्वन्धित सवैलाई जानकारी गरिएको छ ।

विस्तृतः आवर विराटनगर ………

RELATED